آراء و مقالات
صوت عمان :
كتب : أنس خالد بن طريف.
رح احكي بمنتهى الصراحه والشفافيه ...ما حد بقدر ينكر إنه البلد انتهب ومقدراته انباعت والفساد عشعش فيه وكلنا عاصرنا الوضع وسمعنا وقرأنا.بس لازم كمان نعرف إنه الجوع والفقر والتعب إلي الناس فيه ما اجى من فراغ ولا كله بسبب الحكومات...كل شخص ساهم بالافساد وبغضب رب العالمين علينا بطريقته...بتفكرو الزنا والشذوذ اللي منتشر بين الناس المعلن والمخفي مر عادي ؛ وبتفكرو عقوق الأبناء لأبائهم وامهاتهم مر عادي ، وبتفكرو القطع بين الأرحام والاخوان والخوات محاربين بعض من سنوات كمان عند ربنا عادي ، وحرمان البنات من الورث واكل حقوق الأيتام والتجبر على الضعاف والمساكين عادي ، بتفكرو الظلم إللي الناس تعرضتلو وخراب البيوت والسحر والتفريق ولما رفعو ايديهم للسما كان عادي ، بتفكرو لما الأمانه العظيمه انخانت وضاع المعروف بين الناس مر عادي ، بتفكرو الغش بالبضاعه والميزان سهل وعادي ،بتفكرو لما نام شخص وهو مكسور خاطره وناجى ربه كان عند ربنا عادي...ولما تآمر فلان على زميله واخذ دوره وحقه ،ولما قذفت فلانه بعرض فلانه، ولما عاب فلان على شكل فلان وعلى اهله وعلى عيلته ، ولما خربت صداقات وعلاقات بسبب فتنه وكلمه، ولما ارتشى فلان باكيت دخان وعشر ليرات وفكر حاله شاطر واللي بسرقو ملايين هم حراميه ، ولما دفعو مصاري لناس باعت كرامتها وذمتها عشان الانتخابات ولاقو تبرير لأنفسهم كله مر بالسما عادي ، ولما الناس جحدت نعم رب العالمين والكل بتحسر وبولول وبدعي الفقر عشان يبعد عن حاله العيون والحسد بدل ما يشكر ويحمد ، ولما الناس عم بتربي ولادها على اللؤم والانانيه والقطع وما حد بزرع مخافة الله ولا مبادئ...لأ طبعا ما في اشي مر عادي كله تسجل وكله انرفع لرب الكون وزي ما وعدنا سبحانه وتعالى ومن أعرض عن ذكري كان له معيشة ضنكا ومن اتقى الله يجعل له مخرجا واللي بنكر نعم الله وعده ربنا يذيقه لباس الجوع والخوف ... ..المطلوب كلنا نراجع علاقتنا مع رب العالمين ونشوف شو سوينا وشو بنسوي ونصلح ما يمكن إصلاحه لعل ربنا يرحمنا برحمته اللهم ردنا إليك ردنا جميلا.
اقرأ أيضا
-
ضرورة تعزيز جهود الشباب من أجل أردن أفضل2024-11-25 -
الملك إذ يرسم مرحلة جديدة2024-11-20 -
دية يكتب: خطبة العرش ترسم ملامح المستقبل2024-11-18
تصميم و تطوير 