صوت الفن
صوت عمان :
ردت الفنانة الأردنية نداء شرارة، على أسباب تدني سعر تذاكر حفلاتها في الأردن، والمقارنة بين سعر تذكرة حفلتها ،بسعر تذكرة الفنان اللبناني وائل كفوري.
واستغرب رواد مواقع التواصل الاجتماعي من هذا الفارق الكبير بين سعر التذكرتين، حيث وصل سعر تذكرة الفنان وائل كفوري إلى 450 دينار، وبلغ سعر تذكرة نداء شرارة 15 دينار فقط.
واكدت شرارة في ردها عبر صفحتها على الفيسبوك بأنها هي من تطلب أسعار منخفضة لتذكرتها حتى يتمكن الجميع من حضور حفلها.
وتاليا ما نشرته الفنانة نداء شرارة:
"انا المسؤول وانا اللي بطلب تكون اسعار التيكتات بحفلاتي معقوله عشان كل الناس تقدر تحضر ولو علي بخلي كل الناس تحضر ببلاش انا بنت الاردنيين وهمه دعموني كل انسان عندو هدف وانا هدفي ليس المال هدفي افرحهم وحفلاتي بالاردن ب استثناء المهرجانات
غالبا بتكون من تنظيمي لاني ما بقدر اغني بأي مكان ف بعمل حفلات بمسارح مرتبه وبرفض ارفع سعر التيكت
عشان الناس كلها تقدر تيجي وبربِح تيكتات ل اللي مش قادرين يدفعوا وجمهوري بعرف هاد الشي
زمان قبل ما اكون بالفن كنت بحب اروح احضر فنانين
بس ما كنت بقدر اشتري تيكتات اليوم بعرف الشعور
لذلك بحب كل الناس تيجي وبستمتع بالحفلات اللي جمهورها جاي يحضر ببلاش وبحس وقتها قديش عندي شعبيه مش مجرد حدا مشهور وخلص
والنظره المأخوذة عن الفنان الاردني انو مظلوم ياريت نغيرها أحنا برضو بس يكون عنا حفلات بأي بلد برا اسعار التيكتات بتكون مرتفعه وهاد مش بإيدنا لأنو بطبيعة الحال
اي فنان رح يجي من برا تكلفته عاليه جدا على قائمين الحفل لذلك يتم رفع سعر التيكت اهلا بكل الفنانين اللي بتنورنا والله يديم علينا نعمة الامن والامان وتضل الاردن بخير وحب وفرح"
اقرأ أيضا
-
حقيقة وفاة الفنانة الكويتية حياة الفهد2025-12-05 -
الموت يفجع الفنان محمد رمضان2025-11-07
تصميم و تطوير 