كشفت الفنانة ليلى سمور عن زيارة أجرتها الى ليبيا عام 2010 برفقة فنانين منهم ..عبد الحكيم قطيفان و صباح بركات و صباح الجزائري بناء على دعوة وجهها الرئيس الليبي السابق معمر القذافي
وأضافت: "طلعنا انا و عبد الحكيم قطيفان وصباح بركات و صباح الجزائري ومجموعة كبيرة من البرلمان السوري وشيوخ القبائل بسوريا .. بعتلنا طيارتو الخاصة و طلعنا فيا و قعدنا 3 أيام بالقصر عندو و طلعنا قابلناه بقصرو بالصحرا بمدينة سرت"
وتحدثت سمور عن تواضع القذافي ومتابعته الدراما السورية.
وتابعت: "تفاجئت انو من متابعي الدراما السورية وبيعرف المدام صباح الجزائري ( قلا يا صبوحة)"
وأثنت سمور على كرم القذافي الذي أرسل وفدا من ملوك ساحل العاج للقاء الوفد السوري وكانو يرتدون لباسا بالكاد يستر أجسادهم
وقالت: "استضافنا بطريقة كان كتييييير كريم معنا وكان متواضع جدا ... نحنا قعدنا بخيمة بيضا وحواليه شي عشرين بادي غارد كلن سيدات وهو قعد على كرسي بلاستيك والطاولة اللي جنبو كمان بلاستيك وحتى مروحة الهوا الي بإيدو كانت كتير متواضعة وحكينا ساعتين وكان كتير فخور فينا و يهدينا التحيات لسوريا و قدمنالو الهدايا ... برلمان شيوخ العرب اللي كانو معنا كتيير جابولوا هدايا فاخرة، بعدين عزمنا مطعم المسا وما قدر هو يجي يتعشى معنا فبعتلنا الوفد اللي بيمثلو يللي هنة عبارة عن ملوك ساحل العاج ... وكل جزيرة عليا ملك .. فملوك ساحل العاج اجتمعوا كلن معنا بالعشا وكانو عراة واجو حفيانين و كان الجو برد كتير ولابسين ذهب بإيدن وأجرن وكان على راسن و على جسمن وكانو لابسين بطريقة متل اللي نشوفن بالأفلام يعني بس مغطى المناطق الحساسة بقطعة قماش وحفيانين بس كانت بين اصابعن خطوط الذهب وكان الصولجان كمان مرمر و ذهب وكان العشا فاخر جدا وضلينا 3 أيام باستضافتو ورجعنا بطيارتو الخاصة".
