اقتصاد
صوت عمان :
يا جماعة، قبل سنة كان عندنا 11 محجر يصدّروا مواشي للسعودية، اليوم ما ضل غير 4 محاجر.
والنتيجة واضحة: الصادر خف، والأسعار بالسوق الداخلي بلشت تضرب تحت.
المزارع اللي سهر وتعب وصرف من جيبته، صار يواجه أزمة جديدة.
والأسوأ من هيك، وزارة الزراعة بتجي بشهر 11 وتوقف التصدير بشكل كامل، وهذا الحكي كان وهي عندها 11 مزرعة شغالة، فكيف اليوم والمزارع صاروا نص العدد؟
المطلب واضح وصريح: التصدير ما لازم يوقف ولا يوم. ليش؟ لأنه التصدير هو صمام الأمان الوحيد اللي بيعمل توازن بين المربي والمستهلك. المزارع ما بيخسر، والمستهلك ما بينجلد بالأسعار.
السياسات الحالية عم تخنق المزارعين وتخليهم يواجهوا مصير مجهول، بينما الحل بسيط: خلي التصدير مفتوح طول السنة، وهيك منضمن استقرار بالسوق وحماية للمنتج المحلي.
الأردن بحاجة لقرار شجاع يوقف مسلسل الخسائر اللي بتتكرر كل موسم. المزارع بدو عدل، والمستهلك بدو استقرار… والكرة بملعب الحكومة.
اقرأ أيضا
-
الحكومة: ايقاف استيراد الدواجن المجمدة2025-12-02
تصميم و تطوير 