قال استشاري أمراض القلب وكهربة القلب و القسطرة التداخلية الدكتور محمد الحجيري إن الكلب الذي هاجم الطفلة أمس الأحد هو من نوع روتوايلر، مشيرا إلى أن ثمنه مرتفع غالي وتم تشريسه وقطع ذيله من صاحبه.
وتاليا ما كتبه الدكتور الحجيري:
اقرأ أيضا :
الكلب الي هجم على الطفلة ربنا يشافيها ويعافيها هو من نوع روتوايلر وسعره غالي وواضح تم تشريسه وقطع ذيله من صاحبه. هاد الكلب علاجه الوحيد هو ابرة الرحمة لانه شرس.
التشريس بيكون عن طريق القاء قطط او كلاب بلدية "ضالة" مسكينة ما بتقدر تدافع عن حالها عشان هاي الكلاب تمزقها و تتعود على الدم و تصير مناسبة لقتال الشوارع و المراهنات.
بعض وسائل الاعلام الاردنية مش مهم عندها دقة المعلومة نشرته على انه "كلب ضال" (بلدي) هجم على طفلة في الاردن. و مع انه الاهم هو سلامة الطفلة بس برضو انك تهوش الناس اكتر و تركب موجة تخويفهم و تخليهم يعملو حملات تسميم و طخ هاد برضو خطا.
انا دايماً بروح بطعمي كلاب بلدية و بلعب معهم الكلاب البلدية مسكينة معظمها بموت جوع خلال سنتين، او بنرمو من ولاد الحرام لكلاب زي الي شفناه عشان التشريس و قتال الكلاب! يمكن صوتها بزعجكم و بخوفكم ومقتنعين انها مسعورة مع انه الكلب المسعور بنطوي على حاله حتى يموت، بس هي روح ربنا حكى عنها بشكل ايجابي في القرآن و النبي حكى عن الرجل الي دخل الجنة عشان اعطى مي لكلب عطشان، فمعلش بس كونه صوتها مزعج مش سبب كافي انكم تقتلوها وتسمموها الحكومة واجبها نبدا حملات التعقيم لبؤر الكلاب ! هيك الكلب بصير مدجن و بضل اخد دوره المهم في البيئة. و الكل برتاح من هالقصة.
